Sublimo

Tiu ĉi artikolo temas pri estetika koncepto. Por la psikologia signifo rigardu la paĝon Sublimigo. Por fizika procezo per kiu solidaĵo rekte gasiĝas rigardu la paĝon Sublimado.

Sublimo (el la latina sublimis : "tiu, kiu estas leviĝanta") estas filozofia kaj estetika koncepto. Ĝi difinas kvaliton tiel fortan kaj kun tiel larĝa amplitudo, ke ĝi transcendas belecon. La koncepto de sublimo estas kunligita al tiu de neatingebleco : ĝi laŭ filozofoj devas kaŭzi miron, pro timo aŭ respekto.

Laŭ alia, ĉiutaga difino, io sublima estas io grandioza kaj tre impona, kion tamen senseblas nur per tre subtila sentokapablo.