10 results found for: “Sri_Lanka”.

Main result

Sri Lanka

A Republica Democratica Socialista de Sri Lanka, ye un estau islenco situau a lo sud-este d'a India en Asia, que cica 1972 yera clamato Ceilán. Con una población de 18.870.000 habitants (2002) en una superficie de 65.610 km², su densidat de población ye de 287.60 hab/km², estando la suya capital en la ciudat de Colombo como seu d'o poder executivo, estando la seu d'o poder lechislativo srilankés en a ciudat de Sri Jayewardenepura Kotte, conoixida popularment como Kotte. Antiga colonia britanica, Sri Lanka plegó en a suya independencia d'o Reino Uniu o 4 de febrero de 1948, estando organizado lo país politicament como una republica semipresidencialista, a on l'actual president de Sri Lanka ye Ranil Wickremesinghe y l'actual primer ministro ye Dinesh Gunawardena. Con una población estimada en 2020 de 22 millons d'habitants, Sri Lanka ye un estau multinacional a on bi confluyen cuantas culturas, relichions y idiomas, estando la mayoría d'os habitants d'o país os singaleses, con presencia d'una important minoría de tamils (etnia que ha teniu importancia destacada en a Historia de Sri Lanka) y atras minorías mas chicota, como moros srilankeses, burghers, malayos de Sri Lanka u chineses de Sri Lanka, amás d'os vedda, o pueblo indichena srilankés anterior a la plegada d'os pueblos indoeuropeus en a isla.