Guy Debord

Guy Debord
Persona informo
Naskonomo	Guy-Ernest Debord
Naskiĝo	28-an de decembro 1931 (1931-12-28) en Parizo
Morto	30-an de novembro 1994 (1994-11-30) (62-jaraĝa) en Bellevue-la-Montagne
Mortokialo	Pafvundo
Lingvoj	hispana • franca
Ŝtataneco	Francio
Alma mater	Universitato de Parizo Lycée Carnot
Subskribo
Familio
Edz(in)o	Alice Becker-Ho (en)
Okupo
Okupo	kinisto aŭtobiografo verkisto tradukisto pacaktivisto ludodezajnisto eseisto grafikisto scenaristo filozofo filmreĝisoro vidartisto
v • d • r

Guy DEBORD, en esperanto Gi' Debor', naskiĝis la 28-an de decembro 1931, mortis la 30-an de novembro 1994, estis franca revoluciulo, la filo de Paulette ROSSI kaj Martial DEBORD. Li estis laŭvice ano de Internationale lettriste (Literista Internacio), Socialisme ou barbarie (Socialismo aŭ barbareco) kaj Internationale situationniste (Situaciista Internacio, ne "situaciisma" ĉar ili malakceptis ĉiajn ideologiojn kaj ismojn). Liaj plej konataj verkoj estas La Société du Spectacle (La Socio de la Spektaklo, 1967) kaj Commentaires sur la Société du Spectacle (Komentoj pri la Socio de la Spektaklo, 1988).

Interalie, li estas konata pro publikigi libron kun sablopapera kovrilo, intencante detrui aliajn librojn metitajn apud ĝi.

Li mortigis sin la 30-an de novembro 1994.