Back Konflik (proses) Afrikaans صراع Arabic صراع (سايكولوجيا) ARZ সংঘাত Assamese Konflikt Azerbaijani Низағ Bashkir Pagdiringkilan BCL Канфлікт Byelorussian Канфлікт BE-X-OLD Конфликт Bulgarian
Konflikto estas malkonsento, kaŭzita de kontraŭeco de deziroj, interesoj aŭ opinioj, kiu povas kreski al malpaco kaj eĉ batalo.
La homo povas havi konflikton kun sia propra konscienco, kun la leĝo (= li faris krimon) aŭ kun alia homo aŭ homa grupo. La konflikto povas havi formon de interŝanĝo de akraj vortoj aŭ insultoj, sed ankaŭ de interbatiĝo per pugnoj.
Kontraŭdiro inter posedo kaj neposedo, inter diverĝaj aspiroj kaj interesoj, esprimiĝanta en agado de sociaj grupoj kaŭzas konfliktojn socian, generacian aŭ klasan[1].
Konflikto inter du ŝtatoj povas esti sur diplomatia nivelo (kiam oni interŝanĝas proklamojn kaj protestojn) aŭ sur arma nivelo, kiam okazis bataleto inter du grupoj da soldatoj. Tia konflikto povas fariĝi antaŭŝtupo de milito, se la diplomatoj ne sukcesas repaciĝi aŭ kiam unu ŝtato misuzas la konflikton kiel pretekston por ataki la alian ŝtaton.
Konflikto povas okazi ankaŭ inter du leĝoj (kiam la leĝodonantoj ne rimarkis, ke la nova aprobata leĝo asertas malon de malnova, jam aprobita leĝo), inter du tribunaloj, inter teksto kaj la gramatiko k.s.