Back ليخ وتشيك وروس Arabic Лех, Чэх і Рус Byelorussian Lech, Čech ha Rus Breton Čech, Lech a Rus Czech Lech, Čech und Rus German Λεχ, Τσεχ και Ρους Greek Lech, Czech, and Rus' English Lech, Czech y Rus Spanish لخ، چخ و روس Persian Lech, Čech et Rus French
Volgens ’n ou legende was Ljech, Tsjech en Roes ([lɛx tʃɛx rus]) broers wat die drie Slawiese nasies gestig het:
- Pole (poëties ook bekend as Ljechië)
- Boheme (Tsjechoe – nou die grootste deel van Tsjeggië)
- Roetenië (Roes, nou Rusland, Wit-Rusland en Oekraïne)
In een van die weergawes van die legende het die drie broers saamgejag, maar elk het ’n ander prooi gevolg en op die ou end het al drie in verskillende rigtings gereis. Roes het oos gegaan, Tsjech wes om hom te vestig op die Berg Říp wat uit die Bohemiese landskap verrys het, terwyl Ljech na die noorde gereis het tot hy ’n fantastiese witarend gesien het wat oor haar nes waak. Hy was so beïndruk deur die toneel dat hy besluit het om hom daar te vestig. Hy het sy nuwe blyplek (gród) Gniezno (Poolse byvoeglike naamwoord van gniazdo, of "nes") genoem en die witarend aanvaar as wapen. Dit is tot vandag ’n simbool van Pole.
Twee soortgelyke legendes met effens ander name kom ook voor in die volksverhale van Kroasië: in die Kajkawiese dialek van Krapina in Zagorje (Noord-Kroasië) en in die Chakawiese dialek van Poljica aan die Adriatiese See (Sentraal-Dalmasië). Die Kroatiese weergawe is in 1940 beskryf en in besonderhede ontleed deur S. Sakač.[1]
- ↑ Krapina-Kijev-Ararat, Priča o troje braće i jednoj sestri. Život 21/3: 129–149, Zagreb