Moab

Koninkryk Moab

13de eeu v.C. – 400 v.C.
’n Teoretiese kaart van die streek omstreeks 830 v.C. Moab is in pers, tussen die Arnon- en die Zeredrivier.
Hoofstad	Dibon
Taal/Tale	Moabities
Regering	Monargie
Geskiedenis
- Gevestig	13de eeu v.C.
- Ontbind	400 v.C.

Moab (Arabies: مؤاب, Hebreeus: מוֹאָב, Grieks: Μωάβ) is die historiese naam van ’n bergagtige streek in die hedendaagse Jordanië. Die gebied lê aan ’n groot deel van die oostelike oewer van die Dooie See. Daar is baie argeologiese bewyse vir die bestaan van die Koninkryk Moab, waarvan die merkwaardigste die Mesa-stele is wat vertel van die Moabitiese oorwinning oor ’n seun van koning Omri van Israel. Die hoofstad was Dibon. Volgens die Bybel het Moab dikwels gebots met sy Israelitiese bure in die weste.